आज ५७६३ जना कोरोना संक्रमित, १९ जनाको मृत्यु

काठमाडौं, वैशाख १८ ।
पछिल्लो २४ घण्टामा ५७६३ जना कोरोना भाइरसका संक्रमित थपिएका छन् ।
१४ हजार ९६९ नमुना परीक्षण गर्दा ५७६३ जनामा संक्रमण पुष्टि भएको हो । योसँगै संक्रिय संक्रमितको संख्या ४३ हजार २१३ पुगेको छ।
नेपालमा काेराेनाबाट थप १९ जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ । कोरोना संक्रमणबाट मृत्यु हुनेको संख्या ३ हजार २९८ पुगेको मन्त्रालयले जनाएको छ ।
यस्तै, काठमाडौं उपत्यकामा भक्तपुरमा २०८, ललितपुरमा ३५५ र काठमाडौंमा १९३२ जना गरी दुई हजार ४ सय ९५ संक्रमित थपिएका छन्।
योसँगै नेपालमा कूल सङ्क्रमितको सङ्ख्या तीन लाख २८ हजार ८ सय ९३ पुगेको छ।
गत २४ घण्टामा १२८७ जना उपचारपछि डिस्चार्ज भएका छन्। योसँगै निको हुनेको सङ्ख्या दुई लाख ८२ हजार ३८२ पुगेको मन्त्रालयले जनाएको छ।