पुनर्वासमा छोराले गरे बाबुको हत्या

कञ्चनपुर, १९ बैशाख ।
पुर्नवासमा एक युवकले आफ्नै बाबुको हत्या गरेका छन । पुनर्वास नगरपालिका ४ कार्कीचोकका ३० बर्षिया गणेश खडकाले आफ्नै बाबु धन बहादुर खडकाको हत्या गरेका हुन ।

जिल्ला प्रहरी कार्यालय कञ्चनपुरका सुचना अधिकारी प्रकास डाँगीले घरसायी विवादका कारण बाबुछोराविच झगडा हुुँदा छोराले बाबुमाथि काठको चिर्पट प्रहार गर्दा धन बहादुर खडकाको मृत्यु भएको बताए ।
७१ बर्षिया बाबुको हत्या गरेर भाग्न खोजेका गणेश प्रहरीको नियन्त्रणमा छन । घटना स्थलमा प्रहरीले अहिले मुचुल्का उठाईरहेको छ । कञ्चनपुरमा दुईदिन सोमदेखि लगातार पानी परेपछि घटना बारे गाँउमा समेत खासै होहल्ला भएको छैन ।। अहिले घरसायी विवादले घटना भएको प्रारम्भिक जानकारी आएपछि थप अनुसन्धान भईरहेको प्रहरीले जनाएको छ ।