अर्जुन पौडेल र मेलिना राईको नयाँ गीत ‘टेन्सन भाको छ’ सार्वजनिक

काठमाडौँ – नेपाली संगीतप्रेमीहरूका लागि एक नयाँ उपहार, गायक अर्जुन पौडेल र गायिका मेलिना राईको स्वरमा सजिएको गीत ‘टेन्सन भाको छ’ सार्वजनिक भएको छ । राजनराज शिवाकोटीको शब्द र संगीतमा आधारित यो गीतले प्रेममा पर्ने भावनात्मक तनाव र चुनौतीहरूलाई प्रस्तुत गर्ने प्रयास गरेको छ। गीतको लिरिकल भिडियो गायक अर्जुन पौडेलको आफ्नै अफिसियल युटुब च्यानल अर्जुन पौडेलमा उपलब्ध छ, जसमा दर्शकहरूले गीतका शब्द र संगीतको आनन्द लिन सक्छन्।

गायक पौडेलले “बबाल,” “मेरा काला दारी,” लगायएतका चर्चित गीतहरु दर्शक माझ ल्याइसकेका छन ।

राजनराज शिवाकोटीको सिर्जनात्मकता र अर्जुन पौडेल र मेलिना राईको सुमधुर आवाजले गीतलाई उत्कृष्ट बनाएको छ।

गीतको लोकप्रियता चाँडै नै वृद्धि भइरहेको छ र यो संगीतप्रेमीहरूको मन जित्न सफल भएको छ। गीतको भिडियो हेर्न यहाँ क्लिक गर्नुहोस्।