पुनर्वासमा फूटबल: आयोजक टिम नवोदयले उचाल्यो प्रतियोगिताको उपाधि

कञ्चनपुर, १५ बैशाख ।
पुनर्वास नगरपालिका -९ स्थित श्री नवोदय युवा क्लवले आयोजना गरेको ‘प्रथम नवोदय खुल्ला पुरुष प्रतियोगिता’ को उपाधि आयोजक टिमले उचालेको छ।

शुक्रवार बिचफाटाको खेल मैदानमा भएको फाइनल खेलमा आयोजक टिम श्री नवोदय युवा क्लबले पुनर्वास नगरपालिका -५ ‘ग ‘ गाउँको भानु युवा क्लबलाई २-१ गोल अन्तरले पराजित गर्दै उपाधि उचालेको हो।

आयोजकलाई जित दिलाउन नवोदयका माधव भण्डारी र बिमल ओलीले एकएक गोल गरेका थिए ।

आयोजक नवोदयले नगद १ लाख १० हजार १ सय १० रुपैयाँसहित ट्रफी, मेडल र प्रमाणपत्र प्राप्त गरेको छ। त्यस्तै दित्तिय भएको भानु युवा क्लबले नगद ५५ हजार ५० रुपैयासहित ट्रफी र मेडल प्रदान गरिएको हो।

प्रतियोगिताभरि सबैभन्दा बढी गोल हान्ने राम युवा क्लबका रुपचन तामाङलाई नगद ५ हजारसहित ट्रफी प्रदान गरिएको छ।

त्यस्तै प्रतियोगितामा उत्कृष्ट गोल रक्षक आयोजक नवोदयका कुम्भ देउवालाई नगद ५ हजार सहित ट्र्पि प्रदान गरिएको छ।

प्रतियोगितामा बेस्ट फर्वाडेडको उपाधि आयोजककै सिमल ओलिलाई प्राप्त भएको छ। उनलाई पनि नगद ५ हजार सहित ट्रफि प्रदान गरिएको क्लबका अध्यक्ष कर्ण वहादुर ऐडीले बताए। फुटबल प्रतियोगिता बैशाख २ गतेबाट शुरु भएको थियो। प्रतियोगितामा आयोजकका ३ सहित २१ टिमको सहभागीता रहेको थियो।