पुनर्वासका सम्शेर दियालीको गीत “जाँदैछु विदेश” को म्युजिक भिडियो सार्वजनिक

कञ्चनपुर, २७ असार ।
पुनर्वासका गायक तथा संगितकार सम्शेर दियालीको गीत “जाँदैछु विदेश” को म्युजिक भिडियो युटुब मार्फत सार्वजनिक भएको छ ।
दुई दशक भन्दा लामो समयदेखि संगित क्षेत्रमा सकृय दियालीको यो नयाँ गीत हो । समय र परिस्थिति अनुसार गित बनाउन खप्पिस गायक तथा संगितकार दियालीले कोरोना कालमा कोरोना सम्बन्धि गित गाएका थिए ।
पछिल्लो समय देशमा मिटर ब्याजको कारण युवाहरू परदेसिनु परेको अवस्थालाई मध्यनजर गर्दै यो गीत ल्याएका छ्न । तर यो पटक भने गीतमा उनकै छोरा सुवास दियालीले आवाज दिएका छन ।
म्युजिक भिडियोमा रबर्टसिंह बडैला र दुर्गा भट्टले दमदार अभिनय गरेका छन । कञ्चनपुर पुनर्वास बेलौरीका रमणीय स्थानहरूमा छायांकन गरिएको सो म्युजिक भिडियोलाई पुनर्वासकै निर्देशक जि.बि. आग्रीले निर्देशन गरेका हुन । जो लामो समयदेखि काठमाडौमा बसेर फिल्म तथा म्युजिक भिडियोहरुको निर्देशन गरिरहेका छन ।
भिडियोलाई ओएसआर डिजिटल नामक युटुब च्यानलमा गएर हेर्न सकिन्छ । कञ्चनपुरको पुनर्वास बेलौरी क्षेत्रमा छायांकन गरिएको यो भिडियो हेर्ने जोसुकैले प्रशंसा नगरी रहन सक्दैन । हेर्नुस् भिडियो….