विदाको दिन मापसे गरेर सरकारी बाईकमा युवती सहित भेटीए लेखापाल भट्ट

कैलाली / सार्वजनिक विदाको दिन मादक पदार्थ सेवन गरि सरकारी बाईक चलाइरहेको अवस्थामा एकजना सरकारी कर्मचारी फेला परेपछि जरीवानामा परेका छ्न । दीपायल सिलगढी नगरपालिकाका लेखापाल
लेखराज भट्ट मादक पदार्थ सेवन गरेर से१ब ८३८ नम्बरको सरकारी मोटरसाइकल चलाइरहेको पाएपछि ट्राफिक प्रहरीले उनलाई जरिवाना गरेको हो । उनलाई कैलालीको अत्तरियामा प्रहरीले फेला पारेको हो ।
उक्त मोटरसाइकल डोटी दीपायल सिलगढी नगरपालिकाको रहेको प्रदेश ट्राफिक कार्यालय अत्तरियाले जनाएको छ। उनलाई १ हजार जरिमाना गरिएको प्रहरी निरीक्षक गणेश उप्रेतीले बताए। उनका अनुसार सवारी चालकले बिदाको दिन मोटरसाइकल चलाउन प्रशासनबाट अनुमति लिएका थिए। उक्त मोटरसाइलमा एक युवती समेत सवार थिइन्। उनको परिचय खुलेन।