कञ्चनपुर, मङ्सिर २७ ।
पुनर्वासका पत्रकार तथा बडि बिल्डर एवम् प्रशिक्षक रञ्जित लामा सम्मानित भएका छ्न । बुधबार पुनर्वास नगरपालिका-५ मा अवस्थित भानु युवा क्लबद्वारा आयोजित वडास्तरीय चौथो भानु कप फुटबल प्रतियोगिताको समापन समारोहमा लामा सम्मानित भएका हुन । एक दशकदेखी शारीरिक सुगठन क्षेत्रमा सक्रिय लामा पत्रकारीता क्षेत्रमा सुदुरपश्चिममा पहिचान बनाईसकेका व्यक्ति हुन ।
काठमाडौमा आयोजित ५५ औं एसियन शारीरिक सुगठन तथा फिजिक स्पोर्टस च्याम्पियनसिपमा काँस्य पदक प्राप्त गरी नेपालको शिर उच्च बनाएकोमा उनको योगदानको उच्च मूल्यांकन गर्दै पत्रकार, बडि बिल्डर प्रशिक्षक लामालाई सम्मानित गरिएको हो ।
लामाले भदौ १७ देखि २० सम्म काठमाडौको होटल याक एण्ड यतिमा एशियन शारीरिक सुगठन तथा फिटनेस महासंघको आयोजना तथा नेपाल शारीरिक सुगठन तथा फिटनेस् महासंघको व्यवस्थापनमा भएको ५५औं बडि बिल्डिङ्ग एण्ड फिजिक स्पोर्ट्स च्याम्पियनसीप २०२३ प्रतियोगितामा मेन्स फिटनेस फिजिक तर्फ तृतीय स्थान प्राप्त गरि काँस्य पदक विजेता बन्न सफल भएका थिए ।एशियाका सत्र राष्ट्र बिच भएको कडा प्रतिस्पर्धामा लामाले आफुलाई तेस्रो स्थानमा उभ्याउन सफल भएका थिए ।
पत्रकार लामालाई कार्यक्रमका प्रमुख अतिथी सुदुरपश्चिम प्रदेशका सभामुख भीमबहादुर भण्डारी र भानु युवा क्लबका अध्यक्ष पदम थापाले संयुक्त रुपमा सम्मान पत्र प्रदान गरेका थिए ।
Comments are closed.